Right to information Act hmanga Lalnunnema Ralte, Armed Vengin Health Department hnuaia Ravi Aroraa’n bungrua a supply chungchang a zawhna chu SPIO in chhuanlam siama a chhan loh avangin Lalnunnema Ralte chuan State Information Commission-ah complaint a thehlut a. He a zualkona thu hi RTI Act section 18 hmangin MSIC hian a lo register-a.
He thu hi MSIC in a ngaihtuah hnu-ah Information Commission chuan 20.6.2008 khan Health Department SPIO hnenah hian lehkha a hmuh atanga ni 7 chhunga information diltu hnenah hian a duh ang chu hriattir turin thu a pe ta a. Heti chung hian SPIO hian a diltu hnenah hian information a duh ang a la pek loh cheu avangin RTI Act sub section (1) of section 7 hmangin show cause
notice a pe leh ta a, heta a chhanna hi thu tling tawk lo nia ngaih a nih avangin RTI Act section 20 in a sawi angin a chungah hremna lek a ni ta a ni.
He thu hi MSIC in a ngaihtuah hnu-ah Information Commission chuan 20.6.2008 khan Health Department SPIO hnenah hian lehkha a hmuh atanga ni 7 chhunga information diltu hnenah hian a duh ang chu hriattir turin thu a pe ta a. Heti chung hian SPIO hian a diltu hnenah hian information a duh ang a la pek loh cheu avangin RTI Act sub section (1) of section 7 hmangin show cause
notice a pe leh ta a, heta a chhanna hi thu tling tawk lo nia ngaih a nih avangin RTI Act section 20 in a sawi angin a chungah hremna lek a ni ta a ni.
He hremna order hi 4.9.2008 khan MSIC chuan a ti chhuak a, chutah chuan SPIO insawifiahna chu Commission in ngun taka a zir hnu-ah SPIO hian information dilna hnawl theihna dan engmah a nei lo niin a hria a. Lalnunnema Ralte dil ang chiah hi Lalhmachhuana, Chaltlang hnenah pek a ni tih pawh commission hian a hria a. Chuvang chuan pek duh loh bik neih hi tihluihna leh tum reng vangah ngaiin RTI Act section 20 angin a chungah hremna hi lek a ni ta a ni.
SPIO hian he thil hi a hria a. Show cause notice pawh hi a chhang a. Chu a chhanna-ah chuan Indian Instruments Manufacturing Co., Kolkata hian Gauhati High Court, Aizawl Bench-ah 1.7.2008 khan writ petition a file a (Appeal No 94 of 2008). Hei vang hian 4.7.2008 khan stay order pek a nih tak vangin information hi an pe theilo niin a sawi a. Mahse, he lehkha hi commission chuan 8.7.2008 khan a lo hmu ve a, commission chuan he lehkha hi hremna pumpelh theihna atan thu tling tawk lo ni-ah a ngai thung a ni.
Thu tling tawk lova a ngaih chhan chu stay order hun chhung hi a tawp tawh a, chuvang chuan commission chuan RTI Act sub-section (1) of section 20 hmangin hremna chu a lekkawh ta a, he information diltu-in information a dil ni 22.4.2008 atanga chhiar tanin SPIO hian information a a dil ang a pek hma chuan nitin Rs. 250/- a pe tur a ni a, mahse hei hian Rs. 25,000/- erawh a pel tur a ni lo thung.
Health Department SPIO hian he hremna ang hian pawisa a pe ngei tur a ni a, RTI Act 2005 hnuaia 0070 - Other Administrative Service: 60 - Other Service: 118 - Receipt hmangin oder an hmuh ni a\anga ni 15 chhungin MSIC-ah hian an pekna original copy hi pe ngei turin a hriattir bawk a ni.
MSCI atanga kan thudawnna chuan he pawisa Health Department in a chawi tur hi an chawi fel tawh a, sorkar revenue-a lut tur a ni. Tin, Lalnunnema Ralte hian nimin khan heng information a dil hi a dawng ta chiah bawk niin thu kan dawng.
[aizawl.org]
